കൊട്ടാരക്കര: വില്‍പനക്കായി കൊണ്ടുവന്ന 176 പൊതി കഞ്ചാവുമായി യുവാവിനെ കൊട്ടാരക്കര എക്‌സൈസ്   അറസ്റ്റ് ചെയ്തു. കലയപുരം പെരുങ്കുളം നടുവിലമുറിയില്‍ രഞ്ജിനി വിലാസത്തില്‍ രവി(38) ആണ് പിടിയിലായത്. ഇയാള്‍ കുറേനാളായി എക്‌സൈസിന്റെ നിരീക്ഷണത്തിലായിരുന്നു. ഫോണ്‍ വഴി ഇടപാടുറപ്പിച്ച ശേഷം കഞ്ചാവ് വില്‍ക്കുകയായിരുന്നു ഇയാളുടെ രീതി. ഒരുപൊതി കഞ്ചാവിന് 300 രൂപയാണ് ഈടാക്കിയിരുന്നത്. എക്‌സൈസ് സി.ഐ  വി റോബര്‍ട്ടിന്റെ നേതൃത്വത്തില്‍  ജയകുമാര്‍, ഗിരീഷ്‌കുമാര്‍, വി എസ് ബാബു, ഗോപകുമാര്‍, സുരേഷ്‌കുമാര്‍, സന്തോഷ്‌കുമാര്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.