പാലക്കാട് : പേഴുംകര മോഡല്‍ ഹൈസ്‌കൂളിന്റെ ഇരുപതാം വാര്‍ഷികവും, ഹയര്‍ സെക്കന്‍ഡറി ഉദ്ഘാടനവും നൂറുല്‍ ഹുദാ ചാരിറ്റബിള്‍ ട്രസ്റ്റിനു കീഴിലുള്ള മുഴുവന്‍ സ്ഥാപനങ്ങളുടെയും അധ്യാപക, അനാധ്യാപക വിദ്യാര്‍ത്ഥികളുടെ ഒത്തുചേരലും സംഘടിപ്പിച്ചു.
നൂറുല്‍ ഹുദാ ചാരിറ്റബിള്‍ ട്രസ്റ്റ് സെക്രട്ടറി ഷാജു മുഹമ്മദുണ്ണി അധ്യക്ഷനായി. ജമാഅത്തെ ഇസ്‌ലാമി അസിസ്റ്റന്റ് അമീര്‍ ശൈഖ് മുഹമ്മദ് കാരക്കുന്ന് വാര്‍ഷികം ഉദ്ഘാടനം നിര്‍വഹിച്ചു.
ചൈല്‍ഡ് വെല്‍ഫെയര്‍ കമ്മിറ്റി ചെയര്‍മാന്‍ ജോസ് പോള്‍ ഹയര്‍ സെക്കന്‍ഡറി ഉദ്ഘാടനം നടത്തി. മോഡല്‍ ഹൈസ്‌കൂള്‍ പ്രിന്‍സിപ്പല്‍ മുഹമ്മദ് റിയാസ്, ഹിലാലുദീന്‍, എം.സുലൈമാന്‍, സൗരിയത്ത് സുലൈമാന്‍, റിയാസ് ഖാലിദ്, ബഷീര്‍ഹസ്സന്‍ നദ്‌വി, എ.പി നാസര്‍ സംസാരിച്ചു. നൂറുല്‍ ഹുദാ ചാരിറ്റബിള്‍ ട്രസ്റ്റ് മാനേജര്‍ ഷാക്കിര്‍ മൂസ സ്വാഗതം പറഞ്ഞു.
കുഞ്ഞാലന്‍, ബഷീര്‍ പുതുക്കോട്, ഹനീഫ മാസ്റ്റര്‍, സൈനുദ്ധീന്‍ മാസ്റ്റര്‍, നസീര്‍ , ലുക്മാനുല്‍ ഹക്കീം, ജലീല്‍ സമ്മാന വിതരണം നടത്തി.സഫിയ ഷറഫിയ നന്ദി പറഞ്ഞു.