കാഞ്ഞാണി: ശിവരാത്രി ഉത്സവം കണ്ട് വീട്ടിലേക്ക് മടങ്ങവേ യുവാവിനെ കുത്തി പരുക്കേല്‍പ്പിച്ചു. നെടിയേടത്ത് പ്രസന്നന്റെ മകന്‍ പ്രദീപ് (27) നെയാണ് കുത്തി പരുക്കേല്‍പ്പിച്ചത്.
വെള്ളിയാഴ്ച രാത്രി 10 മണിയോടെ മണലൂര്‍ ഉറുമ്പിന്‍ തേവര്‍ സത്രം ക്ഷേത്രത്തിലെ ശിവരാത്രി ആഘോഷം കണ്ട് മടങ്ങവേയാണ് സംഭവം. മൂന്നംഗ സംഘം ബൈക്കില്‍ എത്തി വളഞ്ഞ് ഇടീക്കട്ട കൊണ്ട് മര്‍ദിക്കുകയായിരുന്നു.
കത്തി കൊണ്ട് വയറില്‍ കുത്തുന്നതിനിടെ പെട്ടന്ന് തിരിഞ്ഞ കാരണം രണ്ട് കൈയിനും കുത്തേല്‍ക്കുകയായിരുന്നെന്ന് പ്രദീപ് പറഞ്ഞു. പരുക്കേറ്റ പ്രദീപിനെ തൃശൂര്‍ മെഡിക്കല്‍ കോളജില്‍ പ്രവേശിപ്പിച്ചു.
സംഭവത്തിന് പിന്നില്‍ കഞ്ചാവ് മാഫിയ സംഘമാണന്ന് ആരോപണമുണ്ട്.
അന്തിക്കാട് പൊലിസ് സ്ഥലത്തെത്തി അന്വേഷണം ആരംഭിച്ചു.