തിരുവനന്തപുരം: മൃഗസംരക്ഷണ മേഖലയില്‍ മികച്ച പ്രവര്‍ത്തനം നടത്തിയ കര്‍ഷകരെ ആദരിക്കുന്നതിനായി സംസ്ഥാന മൃഗസംരക്ഷണവകുപ്പ് ഏര്‍പ്പെടുത്തിയ അവാര്‍ഡുകള്‍ പ്രഖ്യാപിച്ചു.  മികച്ച ക്ഷീര കര്‍ഷകനുള്ള പുരസ്‌കാരത്തിന് കൊല്ലം വെളിയം സ്വദേശി വിനോദ്കുമാര്‍ ടി.സി അര്‍ഹനായി. വാണിജ്യാടിസ്ഥാനത്തിലുള്ള ക്ഷീര കര്‍ഷകനായി എറണാകുളം കറുകുറ്റി  സ്വദേശി ബിജു ജോസഫ് അര്‍ഹനായി. മികച്ച സമ്മിശ്ര കര്‍ഷകനായി തൃശൂര്‍ കിള്ളിമംഗലം പനച്ചിക്കല്‍ സ്വദേശി ജോര്‍ജ്കുട്ടി പി.ജെ.യും മികച്ച പൗള്‍ട്രി കര്‍ഷകനായി കോട്ടയം കുറിച്ചിത്താനം സ്വദേശി പ്രദീപ്കുമാറിനെയും തെരഞ്ഞെടുത്തു. ആലപ്പുഴ സ്വദേശി എ.എന്‍ മായാദേവിയാണ്  മികച്ച വനിതാ കര്‍ഷക. ആലപ്പുഴ പല്ലന സ്വദേശി ടെന്‍ജിഷ് എ.യാണ് മികച്ച യുവ കര്‍ഷകന്‍.