പാവറട്ടി: കാളാനി കണ്ണാക്കല്‍ ഫാമിലി വെല്‍ഫെയര്‍ ട്രസ്റ്റിന്റെ ആഭിമുഖ്യത്തില്‍ പ്ലസ്ടു, എസ്.എസ്.എല്‍.സി, യു.പി വിദ്യാര്‍ഥികള്‍ക്ക് പരീക്ഷ പേടി മാറ്റാം എന്നതിനെ കുറിച്ച് ഗൈഡന്‍സ് ക്ലാസ് സംഘടിപ്പിച്ചു. ഗൈഡന്‍സ് ക്ലാസ് പാവറട്ടി ഗ്രാമ പഞ്ചായത്ത് പ്രസിഡന്റ് എന്‍.പി കാദര്‍മോന്‍ ഉദ്ഘാടനം ചെയ്തു.
ട്രസ്റ്റ് പ്രസിഡന്റ് കെ.സി കാദര്‍മോന്‍ അധ്യക്ഷനായി.
ഗൈഡന്‍സ് ക്ലാസിന് നിസാം അഹമ്മദ് നേതൃത്വം നല്‍കി. സെക്രട്ടറി നിസാര്‍ മരുതയൂര്‍, അഹമ്മദ് ആര്‍.വി, റഷീദ് ആര്‍.വി, ഡോ. റുബീന ജബ്ബാര്‍, പി.പി ആലി, ഇബ്രാഹിം കുട്ടി ആര്‍.വി, കഞ്ഞിമോന്‍ കുമ്പത്ത് പ്രസംഗിച്ചു.