തിരുവനന്തപുരം: പത്മശീ ജേതാവ് പാറശാല പൊന്നമ്മാളിനെ നിംസ് മെഡിസിറ്റിയുടെ ആഭിമുഖ്യത്തില്‍ സ്വദേശാഭിമാനി കള്‍ച്ചറല്‍ സെന്ററിന്റെ സഹകരണത്തോടെ ആദരിച്ചു. സി.കെ ഹരീന്ദ്രന്‍ എം.എല്‍.എ ചടങ്ങ് ഉദ്ഘാടനം ചെയ്തു. നൂറുല്‍ ഇസ്‌ലാം യൂനിവേഴ്‌സിറ്റിയുടെയും നിംസ് മെഡിസിറ്റിയുടെയും ഉപഹാരം കെ. ആന്‍സലന്‍ എം.എല്‍.എ സമ്മാനിച്ചു. നെയ്യാറ്റിന്‍കരയിലെ നൂറിലധികം രാഷ്ട്രീയ സാമൂഹിക സാംസ്‌കാരിക സംഘടനകളും ഉപഹാരം സമ്മാനിച്ചു. നിംസ്ഡയറക്ടര്‍ എം.എസ് ഫൈസല്‍ഖാന്‍ അധ്യക്ഷനായി. പത്മശ്രീ ഗോപിനാഥന്‍ നായര്‍, ഡോ. എസ്.വി വേണുഗോപന്‍ നായര്‍, അഡ്വ. എസ്.ആര്‍ തങ്കരാജ്, ബി.ജെ.പി ജില്ലാ പ്രസിഡന്റ് അഡ്വ. സുരേഷ്, പി.കെ രാജ്‌മോഹന്‍, വി. രാജേന്ദ്രന്‍, അഡ്വ. കെ.ആര്‍ പത്മകുമാര്‍, അഡ്വ. മുഹിനുദ്ദീന്‍, അഡ്വ. വിനോദ് സെന്‍, നിനോ അലക്‌സ്, എസ്.കെ ജയകുമാര്‍, നാരായണറാവു, ആത്മകുമാര്‍, ബി.എസ് ചന്തു എന്നിവര്‍ സംസാരിച്ചു. സംഗീതം ആത്മാവാണെന്നു മറുപടി പ്രസംഗത്തില്‍ പൊന്നമ്മാള്‍ പറഞ്ഞു. സദസ്സിന്റെ ആവശ്യപ്രകാരം അവര്‍ ഗാനാലാപനവും നടത്തി.