കിളിമാനൂര്‍: ഇന്നലെ നടക്കേണ്ടിയിരുന്ന പ്ലസ് ടു കമ്പ്യൂട്ടര്‍ സയന്‍സ് പബ്ലിക് പ്രാക്ടിക്കല്‍ പരീക്ഷ കിളിമാനൂര്‍ ആര്‍. ആര്‍ .വി ഗേള്‍സ് ഹയര്‍ സെക്കന്ററി സ്‌കൂളില്‍ മുടങ്ങി.
പ്രിന്‍സിപ്പാളും കമ്പ്യൂട്ടര്‍ അധ്യാപകനും തമ്മിലുള്ള ചേരിപ്പോരാണ് പരീക്ഷ മുടങ്ങാനുള്ള കരണമായതെന്നാണ് വിവരം. ഇന്നലെ പരീക്ഷക്കായി വന്ന മുപ്പതോളം കുട്ടികള്‍ക്കും പരീക്ഷ നടത്തിപ്പിനായെത്തിയ ശാരദാ വിലാസം സ്‌കൂളിലെ മണികണ്ഠന്‍ എന്ന അധ്യാപകനും മടങ്ങിപ്പോകേണ്ടി വന്നു. അധ്യാപകര്‍ തമ്മിലുള്ള ചേരിപ്പോര് മൂലം പരീക്ഷ നടത്താത്തതില്‍ വിദ്യാര്‍ഥികളും ഒരുകൂട്ടം രക്ഷിതാക്കളും പരാതിയുമായി രംഗത്ത് വന്നിട്ടുണ്ട്.