ലക്‌നൗ: ഉത്തര്‍പ്രദേശില്‍ അഞ്ചാംഘട്ട വോട്ടെടുപ്പ് നാളെ നടക്കും. 11 ജില്ലകളിലെ 51 സീറ്റുകളിലേയ്ക്കാണ് തിങ്കളാഴ്ച വോട്ടെടുപ്പ് നടക്കുന്നത്. അഞ്ചാം ഘട്ടത്തില്‍ 608 സ്ഥാനാര്‍ത്ഥികളാണ് ജനവിധി തേടുന്നത്.

കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയുടെ അമേഠി അടക്കമുള്ള മണ്ഡലങ്ങള്‍ അഞ്ചാം ഘട്ടത്തില്‍ ഉള്‍പ്പെടുന്നുണ്ട്. അഞ്ചാംഘട്ട പ്രചരണം ഇന്നലെ അവസാനിച്ചിരുന്നു.

എസ്പി സ്ഥാനാര്‍ത്ഥി ചന്ദ്രശേഖര്‍ കനൗജിയുടെ മരണത്തെത്തുടര്‍ന്ന് അംബേദ്കര്‍ നഗര്‍ ജില്ലയിലെ ആലാപൂര്‍ മണ്ഡലത്തിലെ വോട്ടെടുപ്പ് തെരഞ്ഞെടുപ്പ് കമ്മീഷന്‍ മാര്‍ച്ച് ഒമ്പതിലേയ്ക്ക് മാറ്റിവെച്ചിട്ടുണ്ട്.