വൈത്തിരി: മാനിറച്ചിയുമായി മൂന്നംഗ വേട്ട സംഘത്തെ വനം വകുപ്പ് പിടികൂടി. കോഴിക്കോട് വടകര വളയം ചെറുമുത്ത് പുലപ്പാടി വീട്ടില്‍ ആഷിഖ്, പാനൂര്‍ തൂവക്കുന്ന് ഒളവല്ലൂര്‍ പുന്നോളില്‍ വീട്ടില്‍ നാസര്‍, വൈത്തിരി വീട്ടിക്കുന്ന് അസീസ് എന്നിവരാണ് പിടിയിലായത്. മേപ്പാടി ഫോറസ്റ്റ് റെയ്ഞ്ചിലെ വൈത്തിരി-വേങ്ങാക്കോട് വച്ചാണ് സംഘം പിടിയിലായത്. ഇവര്‍ സഞ്ചരിച്ച കാറില്‍ നിന്ന് 70 കിലോ ഇറച്ചിയും മലമാനിന്റെ തലയടക്കമുള്ള ഭാഗങ്ങളും ആയുധങ്ങളും കണ്ടെടുത്തിട്ടുണ്ട്. എന്നാല്‍ വേട്ടയാടാനുപയോഗിച്ച തോക്ക് കണ്ടെത്താനായിട്ടില്ല. അതേസമയം വനപാലകരെ കണ്ടതോടെ ഓടി രക്ഷപ്പെട്ട വളയം സ്വദേശികളായ പടിഞ്ഞാറയില്‍ ഹമീദ്, വാഹനത്തിന്റെ ഉടമ പിലാത്തോട്ടത്തില്‍ ഇസ്മാഈല്‍ എന്നിവര്‍ക്കായി വനം വകുപ്പ് തിരച്ചില്‍ ഊര്‍ജിതമാക്കി.
ആറു വയസുള്ള പെണ്‍ മലമാനിനെയാണ് സംഘം വേട്ടയാടിയത്.