കാബൂള്‍: മരങ്ങള്‍ വച്ചുപിടിപ്പിച്ച് വസന്തത്തെ വരവേല്‍ക്കാന്‍ ഭീകരരോട് താലിബാന്‍ നേതാവിന്റെ ആഹ്വാനം. ഇന്നലെയാണ് താലിബാന്റെ ഉന്നത നേതാവ് ഹൈബത്തുല്ല അകുന്ദസാദയുടെ നിര്‍ദേശം. കഴിഞ്ഞ മെയില്‍ പാകിസ്താനില്‍ ഡ്രോണ്‍ ആക്രമണത്തില്‍ താലിബാന്‍ മേധാവി കൊല്ലപ്പെട്ട ശേഷം സംഘടനയുടെ ചുമതല വഹിക്കുന്നത് ഹൈബത്തുല്ലയാണ്. സംഘടനയുടെ വെബ്‌സൈറ്റിലും ഇദ്ദേഹത്തിന്റെ സന്ദേശം പ്രത്യക്ഷപ്പെട്ടു.
വസന്തകാലത്താണ് സാധാരണ രീതിയില്‍ താലിബാന്‍ ആക്രമണങ്ങള്‍ അഴിച്ചുവിടുന്നത്. എന്നാല്‍ ഇത്തവണ ആക്രമണത്തിനു പകരം മരം നട്ട് ഭൂമിയെ സുന്ദരമാക്കണമെന്ന നിര്‍ദേശമാണ് നേതാവ് നല്‍കിയത്. മരങ്ങള്‍ പ്രകൃതിയെ സംരക്ഷിക്കുന്നതിലും സാമ്പത്തിക പുരോഗതിക്കും ഭൂമിയെ സുന്ദരമാക്കാനും വലിയ പങ്കുവഹിക്കുന്നുണ്ടെന്ന് അദ്ദേഹം പറഞ്ഞു.