ചെമ്മാട്: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ യു.ജി സ്ഥാപനമായി മൂന്ന് കോളജുകള്‍ക്കു കൂടി അംഗീകാരം നല്‍കി. കോഴിക്കോട് ജില്ലയിലെ കുറ്റിക്കാട്ടൂര്‍ ഓര്‍ഫനേജ് ശംസുല്‍ഹുദാ ഇസ്‌ലാമിക് അക്കാദമി, വയനാട് ജില്ലയിലെ സുല്‍ത്താന്‍ബത്തേരിക്കടുത്ത് വാകേരിയില്‍ ശിഹാബ് തങ്ങള്‍ ഇസ്‌ലാമിക് അക്കാദമി, പാലക്കാട് പട്ടാമ്പിയില്‍ നൂറുല്‍ ഹിദായ ഇസ്‌ലാമിക് അക്കാദമി എന്നീ സ്ഥാപനങ്ങള്‍ക്കാണ് വാഴ്‌സിറ്റി അംഗീകാരം നല്‍കിയത്.

ദാറുല്‍ഹുദാ സെക്കന്‍ഡറിയിലേക്കും വനിതാ കോളജിലേക്കും മമ്പുറം ഹിഫ്‌ള് കോളജിലേക്കും വിദ്യാര്‍ഥികളെ ചേര്‍ക്കുന്നതിനായി ജൂണ്‍ 25 വരെ അപേക്ഷിക്കാം. ഓണ്‍ലൈന്‍ വഴിയാണ് അപേക്ഷിക്കേണ്ടത്. വിശദവിവരങ്ങള്‍ക്ക് 0494 2463155 എന്ന നമ്പറിലും അപേക്ഷാ സംബന്ധമായ സംശയങ്ങള്‍ക്ക് 8547290575 എന്ന നമ്പറിലും വിളിക്കാവുന്നതാണ്.