മാഡ്രിഡ്: ഒരിക്കല്‍ കൂടി ലയണല്‍ മെസ്സി രക്ഷനായപ്പോള്‍ കരുത്തരായ അത്‌ലറ്റിക്കോ മാഡ്രിഡിനെതിരേ ബാഴ്‌സലോണയ്ക്ക് ജയം. ഒന്നിനെതിരേ രണ്ടു ഗോളുകള്‍ക്കാണ് അത്‌ലറ്റിക്കോയുടെ തട്ടകത്തില്‍ നടന്ന പോരാട്ടം ബാഴ്‌സ വിജയിച്ചത്. സമനിലയില്‍ അവസാനിക്കുമെന്നു പ്രതീക്ഷിച്ച മത്സരത്തില്‍ മെസ്സിയുടെ ഗോളാണു ഗതി മാറ്റിയത്. ആദ്യ പകുതി ഗോള്‍രഹിതമായപ്പോള്‍ മത്സരത്തിന്റെ 64ാം മിനുട്ടില്‍ ബാഴ്‌സ റഫീഞ്ഞയിലൂടെ മുന്നിലെത്തി. എന്നാല്‍ ആറു മിനുട്ടു വ്യത്യാസത്തില്‍ ഡീഗോ ഗോഡിനിലൂടെ അത്‌ലറ്റിക്കോ സമനില പിടിച്ചു. ഒടുവില്‍ മത്സരം അവസാനത്തോടടുത്തപ്പോഴാണു മെസ്സിയുടെ നിര്‍ണായ ഗോള്‍ പിറന്നത്.