ഫൈസാബാദ്: സമസ്ത കേന്ദ്ര മുശാവറ അംഗവും ചരിത്രകാരനും ജാമിഅ ജൂനിയര്‍ കോളജുകളുടെ ശില്‍പികളില്‍ പ്രധാനിയുമായിരുന്ന പി.പി മുഹമ്മദ് ഫൈസിയുടെ സ്മരണക്കായി ശിഷ്യര്‍ ഏര്‍പ്പെടുത്തിയ പുരസ്‌കാരം സയ്യിദ് ഹൈദരലി ശിഹാബ് തങ്ങള്‍ക്ക് സമ്മാനിക്കും.

അര നൂറ്റാണ്ടുകാലം മത, സാംസ്‌കാരിക, സാമൂഹിക, വിദ്യാഭ്യാസ മേഖലകളില്‍ ചെയ്ത സേവനം മുന്‍നിര്‍ത്തിയാണ് അവാര്‍ഡ് നല്‍കുന്നത്. 1974ല്‍ ജാമിഅയില്‍നിന്ന് ഫൈസി ബിരുദം നേടിയ തങ്ങള്‍ നിലവില്‍ സമസ്തയുടെ വൈസ് പ്രസിഡന്റും ജാമിഅ നൂരിയ്യ പ്രസിഡന്റുമാണ്. ജാമിഅ ജൂനിയര്‍, ഹുദവി, വാഫി എന്നീ വിദ്യാഭ്യാസ സംരംഭങ്ങള്‍ക്ക് നേതൃത്വം നല്‍കിക്കൊണ്ടിരിക്കുന്നു.
ഇന്ന് നടക്കുന്ന ജാമിഅ സമാപന സമ്മേളനത്തില്‍വച്ച് പുരസ്‌കാര തുകയും ഫലകവും തങ്ങള്‍ക്ക് കൈമാറും.