ന്യൂഡല്‍ഹി: ഡല്‍ഹിയിലെ ഷാഹീന്‍ ബാഗിലെ പ്രതിഷേധക്കാര്‍ക്ക് നേരെ വെടിവെയ്പ്പ്. ഇന്ന് വൈകുന്നേരമാണ് വെടിവെപ്പ് നടന്നത്.  ജാമിഅയിലെ വിദ്യാര്‍ത്ഥിക്ക് നേരെ വെടിവെപ്പ് നടന്നു രണ്ടു ദിവസം പിന്നിടുമ്പോഴാണ് വലിയ പ്രതിഷേധം നടക്കുന്ന ഷാഹീന്‍ ബാഗിലും വെടിവെപ്പ് നടന്നത്. കപില്‍ ഗുജാന്‍ എന്ന വ്യക്തി മൂന്ന് തവണയാണ് വെടിവെച്ചത്. പോലീസ് ബാരിക്കേഡിനു സമീപത്തുനിന്നു ജയ് ശ്രീറാം വിളിച്ച് യുവാവാണ് വെടിയുതിര്‍ത്തത്.

ആഴ്ചകളായി റോഡില്‍ കുത്തിയിരുന്ന് സമരം ചെയ്യുന്ന സ്ത്രീകളും കുട്ടികളുമുള്‍പ്പെടെയുള്ള സമരക്കാര്‍ക്ക് നേരെയായിരുന്നു വെടിവയ്പുണ്ടായത്. ആര്‍ക്കും പരുക്കില്ല. അക്രമിയെ പൊലിസ് അറസ്റ്റ് ചെയ്തു.

ജാമിയ മിലിയ സര്‍വകലാശാല വിദ്യാര്‍ഥികളുടെ പൗരത്വ പ്രതിഷേധ റാലിക്കു നേരെ കഴിഞ്ഞ ദിവസം വെടിവയ്പുണ്ടായ സ്ഥലത്തുനിന്നും രണ്ടു കിലോമീറ്റര്‍ മാത്രം മാറിയാണ് ആക്രമണം ഉണ്ടായത്. ജയ് ശ്രീറാം മുഴക്കിയ അക്രമി തന്റെ രാജ്യത്ത് ഹിന്ദുക്കള്‍ മാത്രമേ വിജയിക്കൂ എന്ന് ആക്രോശം നടത്തുകയും ചെയ്തു.

പൊലിസുകാര്‍ക്ക് തൊട്ടടുത്തുനിന്നാണ് ഇയാള്‍ വെടിവച്ചത്. മൂന്നു തവണയോളം ഇയാള്‍ നിറയൊഴിച്ചു. തോക്ക് കുറ്റിക്കാട്ടിലേക്ക് വലിച്ചെറിഞ്ഞ ശേഷം ഓടിയൊളിക്കാന്‍ ശ്രമിച്ച ഇയാളെ പൊലിസ് പിടികൂുകയായിരുന്നു.