കോട്ടക്കല്‍: മലപ്പുറം ജില്ലാ ദാരിമീസ് അസോസിയേഷന്‍ സംഘടിപ്പിക്കുന്ന ആദര്‍ശ സമ്മേളനവും സമസ്ത നേതാക്കള്‍ക്കു സ്വീകരണവും ഇന്നു കോട്ടക്കല്‍ ബസ്സ്റ്റാന്‍ഡ് പരിസരത്തു നടക്കും. വൈകിട്ട് അഞ്ചിനു മജ്‌ലിസുന്നൂര്‍ സദസോടെ പരിപാടി തുടങ്ങും.
സമസ്ത മുശാവറ അംഗം എ. മരക്കാര്‍ ഫൈസി നിറമരുതൂര്‍ ഉദ്ഘാടനം ചെയ്യും. സയ്യിദ് റഷീദലി ശിഹാബ് തങ്ങള്‍ അധ്യക്ഷനാകും. സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍, ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, ട്രഷറര്‍ സി.കെ.എം സ്വാദിഖ് മുസ്‌ലിയാര്‍, അത്തിപ്പറ്റ മൊയ്തീന്‍കുട്ടി മുസ്‌ലിയാര്‍, ഡോ. ബഹാഉദ്ദീന്‍ നദ്‌വി കൂരിയാട്, എ.വി അബ്ദുറഹിമാന്‍ മുസ്‌ലിയാര്‍, കെ.കെ ആബിദ് ഹുസൈന്‍ തങ്ങള്‍ എം.എല്‍.എ, കെ.കെ നാസര്‍ സംബന്ധിക്കും. എം.ടി അബൂബക്കര്‍ ദാരിമി, അലവി ദാരിമി കുഴിമണ്ണ എന്നിവര്‍ വിഷയാവതരണം നടത്തും.
ദാരിമീസിനു കീഴില്‍ സമസ്ത പ്രസിഡന്റ് ജിഫ്രി മുത്തുക്കോയ തങ്ങള്‍ നേതൃത്വം നല്‍കുന്ന പണ്ഡിത ദര്‍സിന്റെ പ്രഖ്യാപനവും നടത്തുമെന്ന് സയ്യിദ് ഫഖ്‌റുദ്ദീന്‍ ഹസനി തങ്ങള്‍ കണ്ണന്തളി, മുഹമ്മദലി ദാരിമി കരേക്കാട്, അബ്ദുല്‍ കരീം ബാഖവി ഓമാനൂര്‍, കബീര്‍ ദാരിമി കുറ്റിപ്പുറം എന്നിവര്‍ വാര്‍ത്താസമ്മേളനത്തില്‍ അറിയിച്ചു.