കോതമംഗലം: വടാട്ടുപാറയില്‍ നിന്നും പിടികൂടിയ രാജവെമ്പാലക്ക് തട്ടേക്കാട് പക്ഷി സങ്കേതത്തില്‍ താല്‍ക്കാലിക സുഖവാസം. വടാട്ടുപാറ നെല്ലിക്കല്‍ വറുഗീസിനെ വീടിനു സമീപമുള്ള ഔട്ട് ഹൗസിലാണ് ശനിയാഴ് പന്ത്രന്തര അടി നീളമുള്ള രാജവെമ്പാല കയറി പറ്റിയത്.
വീട്ടുകാര്‍ തുണി അലക്കി ഉണക്കുന്നതിന് ഉപയോഗിക്കുന്ന ഭാഗത്ത് കയറി ഒളിച്ച പാമ്പിനെ സ്ത്രീകളാണ് ശനിയാഴ്ച വൈകിട്ടേടെ കണ്ടത് വിവരമറിഞ്ഞ് പാമ്പിനെ കാണുവാന്‍ നാട്ടുകാരും കൂടി.
തട്ടേക്കാട് പക്ഷി സങ്കേതത്തില്‍ അറിയിച്ചെങ്കിലും പക്ഷിസങ്കേതത്തി പാമ്പുപിടുത്തക്കാരനായ വാച്ചര്‍ സ്റ്റീഫന്‍ സ്ഥലത്തിലാത്തതിനാല്‍ വിവരം വനപാലകര്‍ കോടനാട് സ്‌പെഷ്യല്‍പ്രെട്ടക്ഷന്‍ ഫോഴ്‌സിന് വിവരം കൈമാറി. രാത്രിയോടെ വട്ടുപാറയിലെത്തിയ കോടനാട് പ്രെക്ഷന്‍ ഫോഴ്‌സിലെ ജെ.ബി.സാബുവാണ് രാജവെമ്പാലയെ സാഹസികമായി പിടികൂടി തട്ടേക്കാട് പക്ഷി സങ്കേതത്തിലെത്തിച്ചത്.
പക്ഷിസങ്കേതത്തില്‍ രാജവെമ്പാലകള്‍ക്കായുള്ള പ്രത്യേക കൂട്ടില്‍ ജീവനുള്ള ഇരയെ ഇട്ടു കൊടുത്ത് ഈ രാജവെമ്പാലയെ സംരക്ഷിച്ചിരിക്കുകയാണ്. കാട്ടിലേക്ക് തുറന്നു വിടുമെന്ന് പക്ഷി സങ്കേതം അധികൃതര്‍ പറഞ്ഞു.