ചേവായൂര്‍: ഉറപ്പൊന്നും ലഭിക്കാത്ത സാഹചര്യത്തില്‍ സമരം തുടരുമെന്ന് മെഡിക്കല്‍ കോളജ് പരിസരത്ത് സമരം ചെയ്യുന്ന നിപാ തൊഴിലാളികള്‍. ജോലി സ്ഥിരത ഉറപ്പു നല്‍കിയശേഷം അപ്രതീക്ഷിതമായി പിരിച്ചുവിട്ട കരാര്‍ തൊഴിലാളികളുടെ സമരം ഒരാഴ്ച പിന്നിട്ടു. സര്‍ക്കാരിന്റെ ഭാഗത്തുനിന്ന് തൊഴിലാളികളെ തിരിച്ചെടുക്കാനാവശ്യമായ നടപടിയുണ്ടായില്ലെങ്കില്‍ 16 മുതല്‍ നിരാഹാര സമരം നടത്തുമെന്ന് സമരസമിതി നേതാക്കള്‍ പറഞ്ഞു. നിപാ കാലത്ത് സേവനം ചെയ്ത തൊഴിലാളികളെ സ്ഥിരപ്പെടുത്തുമെന്ന് ആരോഗ്യ മന്ത്രി ഉറപ്പു നല്‍കിയിരുന്നു. വാക്കുപാലിക്കാതെ തൊഴിലാളികളെ കൂട്ടത്തോടെ പിരിച്ചുവിട്ടതോടെയാണ് ഇവര്‍ സമരത്തിനിറങ്ങിയത്.