പാറശാല: കന്യാകുമാരി ജില്ലയിലെ ചരിത്ര പ്രസിദ്ധമായ മണ്ടയ്ക്കാട് ഭഗവതി അമ്മന്‍ ക്ഷേത്രത്തിലെ കൊട മഹോത്സവത്തിന് കൊടിയേറി. മാര്‍ച്ച് മൂന്നിന് വലിയ പടുക്ക നടക്കും. മാര്‍ച്ച് ഏഴിനാണ് കൊട.അന്നു രാത്രി 12.00 ന് ഉത്സവത്തിലെ പ്രധാന ചടങ്ങായ ഒടുക്കുപൂജ നടക്കും. ഉത്സവത്തിന്റെ ഭാഗമായി തിരുവനന്തപുരം കൊല്ലം ജില്ലകളുടെ വിവിധ ഭാഗങ്ങളില്‍ നിന്നും കന്യാകുമാരി ജില്ലയില്‍ നിന്നും പ്രത്യേക ബസ് സര്‍വീസുകള്‍ ക്രമീകരിച്ചിട്ടുണ്ട്.