വാടാനപ്പള്ളി: ഗുജറാത്തിലെ വഡോധരയില്‍ നടന്ന ദേശീയ സ്‌കൂള്‍ കായിക മേളയില്‍ രണ്ട് സ്വര്‍ണവും രണ്ട് വെങ്കലവും നേടി തിരിച്ചെത്തിയ നാട്ടിക ഗവ. ഹയര്‍ സെക്കന്‍ഡറി സ്‌കൂള്‍ കായിക താരങ്ങളായ ആന്‍സി സോജന്‍, പി.എ അതുല്യ, പരിശീലകന്‍ കണ്ണന്‍ മാഷ് എന്നിവരെ നാട്ടിക പഞ്ചായത്തില്‍ മധുരം നല്‍കി സ്വീകച്ചു.
സ്വീകരണത്തില്‍ രണ്ട് ലക്ഷം രൂപയുടെ കായികോപകരണങ്ങള്‍ നാട്ടിക സ്‌പോര്‍ട്‌സ് അക്കാദമിക്ക് അവനുവദിച്ചതായി പഞ്ചായത്ത് പ്രസിഡന്റ് പി. വിനു അറിയിച്ചു.
സ്വീകരണത്തില്‍ വൈസ് പ്രസിഡന്റ് പി.എ ഷൗക്കത്തലി, സ്റ്റാന്റിങ് കമ്മിറ്റി ചെയര്‍മാന്‍മാരായ ഇന്ദിര ജനാര്‍ദനന്‍, ബിന്ദു കൃഷ്ണ, സി.ജി അജിത്ത് കുമാര്‍, ഉദയകുമാര്‍, അംഗങ്ങളായ സജിനി ഉണ്യാരംപുരക്കല്‍, ലളിത മോഹന്‍ദാസ്, കെ.വി സുകമാരന്‍, സിദ്ദീക്ക്, നാട്ടിക സ്‌പോര്‍ട്‌സ് അക്കാദമി ചെയര്‍മാന്‍ ബി. കെ ജനാര്‍ദനന്‍ എന്നിവര്‍ പങ്കെടുത്തു