വാടാനപ്പള്ളി: കലാമത്സരങ്ങള്‍ മനുഷ്യര്‍ക്കിടയില്‍ സ്‌നേഹവും നന്മയും വളര്‍ത്തുന്നതാകണമെന്ന് മുരളി പെരുന്നെല്ലി എം.എല്‍.എ അഭിപ്രായപ്പെട്ടു.സമസ്ത വാടാനപ്പള്ളി മേഖല ഇസ്‌ലാമിക കലാമേള ഉദഘാടനം ചെയ്ത് സംസാരിക്കുകയായിരുന്നു അദ്ദേഹം. മനുഷ്യര്‍ക്കിടയില്‍ വിവേചനത്തിന്റെ മതില്‍ കെട്ടുകള്‍ തീര്‍ക്കുന്ന ആളുകള്‍ വര്‍ധിച്ചുവരികയാണ്. കലകള്‍ സമൂഹത്തിന്റെ സംസ്‌കാരം വിളിച്ചോതുന്നതാകണമെന്ന് അദ്ദേഹം കൂട്ടിച്ചേര്‍ത്തു.
സ്വാഗത സംഘം ചെയര്‍മാന്‍ കെ.കെ ഹനീഫ ഹാജി അധ്യക്ഷനായി. എ.ടി.എം ഫൈസി, എ.എ അബ്ദുല്‍ ജബ്ബാര്‍, എ.എ ജാഫര്‍ മാസ്റ്റര്‍, എ.ടി .റഫീഖ്, പി.പി മുസ്തഫ മുസ്‌ലിയാര്‍, ഹംസ അന്‍വരി, ഷബീര്‍ ബാഖവി, സി.എം ശിഹാബുദ്ദീന്‍ പ്രസംഗിച്ചു.