ആനക്കര: ഷൊര്‍ണൂര്‍ പൊലിസ് സബ് ഡിവിഷന്റെ ആഭിമുഖ്യത്തില്‍ പട്ടികജാതി പട്ടികവര്‍ഗ കോളനി നിവാസികള്‍ക്കായി പരാതി പരിഹാര അദാലത്തും ലഹരിവിരുദ്ധ ക്ലാസും സംഘടിപിച്ചു. തൃത്താല ഡോ. കെ.ബി മേനോന്‍ മെമ്മോറിയല്‍ ഹയര്‍സെക്കന്ററി സ്‌കൂളില്‍ വച്ച് നടന്ന ചടങ്ങ് ഷൊര്‍ണൂര്‍ ഡി.വൈ.എസ്.പി കെ.എം സെയ്താലി ഉദ്ഘാടനം ചെയ്തു. എസ്.സി, എസ്.ടി ജില്ലാ മോണിറ്ററിംഗ് കമ്മറ്റി മെമ്പര്‍ ചോലയില്‍ വേലായുധന്‍ അദ്ധ്യക്ഷനായി. പട്ടാമ്പി സര്‍ക്കിള്‍ ഇന്‍സ്‌പെക്ടര്‍ പി.എ സുരേഷ്, ചാലിശ്ശേരി എസ്.ഐ എം .ശ്രീനിവാസന്‍ ,തൃത്താല അഡിഷണല്‍ എസ്.ഐ. കെ.കൃഷ്ണന്‍കുട്ടി ,കെ.സി കുഞ്ഞന്‍, ടി.ഐ രാജേന്ദ്രന്‍, എം.കുഞ്ഞന്‍, സി.കെ വിജയന്‍, ഇ.പി ഗോപാലകൃഷ്ണന്‍, മോണിറ്ററിംഗ് കമ്മറ്റിമെമ്പര്‍മാരായ കെ.കെ ബാബു, എം.ബി അനീഷ്, പി.കെ സുബ്രമണ്യന്‍, വാര്‍ഡ് മെമ്പര്‍ എ.പി പ്രിയ പങ്കെടുത്തു. തൃത്താല എക്‌സൈസ് ഇന്‍സ്‌പെക്ടര്‍ അഭിദാസ് ബോധവത്കരണ ക്ലാസെടുത്തു.