പട്ടാമ്പി മേഖല ഓവറോള്‍ ചാംപ്യന്മാര്‍

കോട്ടായി: കഴിഞ്ഞ രണ്ടു ദിവസങ്ങളായി നടന്നു വന്ന ജില്ലാ ഇസ്ലാമിക് കലാമേളയില്‍ 241 പോയിന്റുകള്‍ നേടി പട്ടാമ്പി മേഖല ഓവറോള്‍ ചാമ്പ്യന്മാരായി. 227പോയിന്റുകള്‍നേടി ഒറ്റപ്പാലം മേഖല രണ്ടാം സ്ഥാനവും ,213 പോയിന്റുകള്‍ നേടി മണ്ണാര്‍ക്കാട് മേഖല മൂന്നാം സ്ഥാനവും കരസ്ഥമാക്കി.
ജില്ലയിലെ ഏഴ് മേഖലകളില്‍ നിന്നായി 1000 കലാപ്രതിഭകളാണ് 60 ഇനങ്ങളില്‍ മത്സരിക്കാനെത്തിയത്. മത്സരത്തിനായി അഞ്ചു വേദികളും സജ്ജീകരിച്ചിരുന്നു. സമാപനസമ്മേളനം സമസ്ത സംസ്ഥാന ട്രഷറര്‍ സി.കെ.എം സാദിഖ് മുസ്‌ലിയാര്‍ ഉദ്ഘാടനം ചെയ്തു.
ഷാഹുല്‍ ഹമീദ് ഫൈസി അധ്യക്ഷനായി. സി .മുഹമ്മദാലി ഫൈസി, താജുദ്ധീന്‍ മാസ്റ്റര്‍, അനീസ് മാസ്റ്റര്‍, ബഷീര്‍ ഫൈസി, പി എം യൂസഫ് പത്തിരിപ്പാല, എം ടി സൈനുല്‍ആബിദീന്‍, അസ്സിസ് ഫൈസി, ടി പി കബീര്‍ മുസ്‌ലിയാര്‍ എന്നിവര്‍ പങ്കെടുത്തു.