ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ ഭീകരവാദിയാണെന്നും അതിന് കൃത്യമായ തെളിവുണ്ടെന്നും കേന്ദ്രമന്ത്രി പ്രകാശ് ജാവദേകര്‍. ബി.ജെ.പി എം.പി പര്‍വേശ് വര്‍മയുടെ വിവാദ പരാമര്‍ശത്തിനെതിരേ തെരഞ്ഞെടുപ്പ് കമ്മീഷന്‍ നോട്ടിസ് നല്‍കിയതിനു പിന്നാലെയാണ് ഡല്‍ഹിയില്‍ നടത്തിയ വാര്‍ത്താസമ്മേളനത്തില്‍ കെജ്‌രിവാളിനെതിരേ കേന്ദ്രമന്ത്രി ആരോപണം ഉന്നയിച്ചത്.
ജനങ്ങള്‍ കെജ്‌രിവാളില്‍ നിന്ന് അകലാന്‍ വ്യക്തമായ കാരണങ്ങളുണ്ട്. മുഖത്ത് നിഷ്‌കളങ്കത നടിച്ച് 'ഞാന്‍ ഒരു ഭീകരവാദിയാണോ ' എന്നാണ് കെജ്‌രിവാള്‍ ആളുകളോട് ചോദിക്കുന്നത്. അതെ, നിങ്ങള്‍ ഒരു ഭീകരവാദി തന്നെയാണ്. അരാജകത്വവാദിയായി സ്വയം വിശേഷിപ്പിച്ചിട്ടുണ്ട് നിങ്ങള്‍.
അരാജകത്വവാദിയും ഭീകരവാദിയും തമ്മില്‍ കാര്യമായ വ്യത്യാസമില്ലെന്നും പ്രകാശ് ജാവദേകര്‍ പറഞ്ഞു.