ഡര്‍ബന്‍: ദക്ഷിണാഫ്രിക്കയില്‍ നടക്കുന്ന അണ്ടര്‍ 19 ക്രിക്കറ്റ് ലോകകപ്പിന്റെ സെമി ഫൈനലില്‍ ഇന്ന് ഇന്ത്യ - പാക്കിസ്താനെ നേരിടും. ഇന്ത്യ - പാക് സീനിയര്‍ ക്രിക്കറ്റില്‍ അസ്വാരസ്യങ്ങളും സംസാരങ്ങളും നടക്കുന്നതിനിടെയാണ് ഇന്ത്യന്‍ ജൂനിയര്‍ ടീമിന്റെ പോരാട്ടം. ഇന്ത്യന്‍ സമയം ഉച്ചയ്ക്കു 1.30നാണ് മല്‍സരമാരംഭിക്കുന്നത്.
നിലവിലെ ലോക ചാംപ്യന്‍മാര്‍ കൂടിയായ ഇന്ത്യ അഞ്ചാം കിരീടമാണ് ദക്ഷിണാഫ്രിക്കന്‍ മണ്ണില്‍ സ്വപ്നം കാണുന്നത്. മറുഭാഗത്ത് ലോക കിരീടം തിരിച്ചുപിടിക്കുകയാണ് ര@ണ്ടു തവണ ജേതാക്കളായിട്ടുള്ള പാകിസ്താന്റെ ലക്ഷ്യം.
ടൂര്‍ണമെന്റില്‍ തോല്‍വിയറിയാതെ കുതിക്കുന്ന ഇന്ത്യ സെമിയിലും ഇതാവര്‍ത്തിക്കാമെന്ന ശുഭപ്രതീക്ഷയിലാണ് പാകിസ്താനെ നേരിടുന്നത്. ഗ്രൂപ്പ്ഘട്ടത്തിലെ മൂന്നു മല്‍സരങ്ങളിലും വന്‍ ജയം നേടിയ ഇന്ത്യ ക്വാര്‍ട്ടര്‍ ഫൈനലില്‍ മുന്‍ ചാംപ്യന്മാരായ ആസ്‌ത്രേലിയയേയും നിഷ്പ്രഭരാക്കിയിരുന്നു. കഴിഞ്ഞ ലോകകപ്പ് ഫൈനലിന്റെ റീപ്ലേ കൂടിയായിരുന്നു ഈ പോരാട്ടം.
മറുഭാഗത്തു പാകിസ്താനും ടൂര്‍ണമെന്റില്‍ പരാജയമറിഞ്ഞിട്ടില്ല. സിംബാബ്‌വെ, സ്‌കോട്ട്‌ലാന്‍ഡ് എന്നിവര്‍ക്കെതിരേ പാക് പട ജയിച്ചു കയറിയപ്പോള്‍ ബംഗ്ലാദേശിനെതിരേയുള്ള അവസാന ഗ്രൂപ്പ് മല്‍സരം മഴ കാരണം ഉപേക്ഷിക്കപ്പെട്ടു. ക്വാര്‍ട്ടറില്‍ അഫ്ഗാനിസ്താനെയാണ് പാകിസ്താന്‍ തുരത്തിയത്.
ഇന്ത്യ പാക് പോരിന് കാലാവസ്ഥാ തിരിച്ചടിയാവില്ല. ചൊവ്വാഴ്ച ഇവിടെ മഴയ്ക്കു സാധ്യതയില്ലെന്നാണ് കാലാവസ്ഥാ വകുപ്പിന്റെ പ്രവചനം. ഓസീസിനെതിരേ ഇന്ത്യ ക്വാര്‍ട്ടര്‍ ഫൈനല്‍ കളിച്ച അതേ വേദിയില്‍ തന്നെയാണ് സെമിയും നടക്കുന്നത്.
ബാറ്റിങ് ദുഷ്‌കരമായ പിച്ചില്‍ പിടിച്ചുനില്‍ക്കണമെങ്കില്‍ താരങ്ങള്‍ക്കു ഏറ്റവും മികച്ച ഫോം തന്നെ പുറത്തെടുക്കേണ്ട@ിവരും.
ഓസീസിനെതിരായ ക്വാര്‍ട്ടറില്‍ ടീമിന്റെ വിജയശില്‍പ്പിയായ പേസര്‍ കാര്‍ത്തിക് ത്യാഗി, ഓപ്പണര്‍ യശസ്വി ജയ്‌സ്വാള്‍ എന്നിവരാണ് ഇഇന്ത്യന്‍ ടീമിന്റെ തുറുപ്പുചീട്ടുകള്‍. നാലു കളികളില്‍ നിന്ന് 207 റണ്‍സ് താരം നേടിയിട്ടു@ണ്ട്. അതേസമയം, ടൂര്‍ണമെന്റില്‍ ഏറ്റവുമധികം റണ്‍സെടുത്ത കളിക്കാരുടെയോ വിക്കറ്റെടുത്ത കളിക്കാരുടെയോ ആദ്യ പത്തില്‍ ഒരു പാക് താരം പോലുമില്ല. ഒരു ടീമെന്ന നിലയില്‍ മികച്ച പ്രകടനം നടത്തിയാണ് അവര്‍ വിജയങ്ങള്‍ കൊയ്തത്.
കഴിഞ്ഞ വര്‍ഷം നടന്ന ഏഷ്യന്‍ യൂത്ത് കപ്പിലും 2018ലെ അണ്ടര്‍ 19 ലോകകപ്പിലും ഇന്ത്യ പാക്കിസ്താനെ പരാജയപ്പെടുത്തിയിരുന്നു. ഇന്നത്തെ മത്സരത്തില്‍ ജയിക്കുകയാണെങ്കില്‍ രണ്ടാം സെമിയിലെ ന്യൂസിലന്‍ഡോ ബംഗ്ലാദേശോ ആയിരിക്കും ഇന്ത്യയുടെ എതിരാളികള്‍.