ബെയ്ജിങ്: ചൈനക്കും ഫിലിപ്പീന്‍സിലും പിന്നാലെ ഹോങ്കോങ്ങിലും കൊറോണ മരണം. ഇതോടെ ലോകത്ത് കൊറോണ ബാധിച്ചവരുടെ എണ്ണം 427 ആയി. കഴിഞ്ഞ ദിവസെ ഫിലിപ്പീന്‍സില്‍ ഒരാള്‍ മരിച്ചിരുന്നു. 425 മരണമാണ് ചൈന റിപ്പോര്‍ട്ട് ചെയ്തിട്ടുള്ളത്.

വുഹാനില്‍ നിന്നുള്ള 39കാരനാണ് ഹോങ്കോങ്ങില്‍ മരിച്ചത്. തിങ്കളാഴ്ച മാത്രം 64 മരണമാണ് ചൈനയില്‍ റിപ്പോര്‍ട്ട് ചെയ്യപ്പെട്ടിട്ടുള്ളത്. 20438 പേര്‍ക്ക് കൊറോണ സ്ഥിരീകരിച്ചിട്ടുണ്ട്.

അതിനിടെ യു.എസിന്റെ സഹായം സ്വീകരിക്കാന്‍ ചൈന തയ്യാറായിട്ടുണ്ട്. യു.എസ് അനാവശ്യമായ ഭീതി പരത്തുകയാണെന്ന് ആരോപിച്ചതിനു പിന്നാലെയാണ് സഹായം സ്വീകരിക്കുമെന്ന് ചൈന പ്രഖ്യാപിച്ചത്.

കൊറോണക്കു പിന്നാലെ ലോക ആരോഗ്യ സംഘടന അടിയന്തരാവസ്ഥ പ്രഖ്യാപിച്ചിരുന്നു. മൂന്നു പേരില്‍ രോഗം സ്ഥിരീകരിച്ചതിനെ തുടര്‍ന്ന് കേരളം കൊറോണയെ സംസ്ഥാന ദുരന്തമായി പ്രഖ്യാപിച്ചിരിക്കുകയാണ്.