കായംകുളം: നഗരസഭ അസിസ്റ്റന്റ് എന്‍ജിനീയറെ കൈക്കൂലി വാങ്ങുന്നതിനിടയില്‍ വിജിലന്‍സ് പിടികൂടി. കായംകുളം പുതുപ്പള്ളി സ്വദേശി രഘുനാഥാണ് വിജിലന്‍സ് പിടിയിലായത്. ഇന്ന് രാവിലെ എട്ട് മണിയോടെ കരാറുകാരന്റെ കയ്യില്‍ നിന്ന് 50000 രൂപ വാങ്ങുമ്പോഴാണ് വിജിലന്‍സിന്റെ പിടിയിലായത്. ബില്ല് മാറുന്നതിന് വേണ്ടി കരാറുകാരനിന്ന് കൈക്കൂലി ആവശ്യപ്പെട്ടത്. പുതുപ്പള്ളിയിലെ വീട്ടില്‍ റെയ്ഡ് തുടരുകയാണ്.