ആലപ്പുഴ: മഴക്കാലം ആരംഭിച്ചതോടെ രാത്രിയില്‍ കടകളില്‍ മോഷണം വ്യാപകമാകുന്നു. കഴിഞ്ഞ ദിവസം രാത്രിയില്‍ ദക്ഷാ ബോട്ടിക് ടെക്‌സ്‌റ്റൈല്‍സില്‍നിന്നും വിലപിടിപ്പുളള തുണിത്തരങ്ങള്‍ മോഷ്ടിച്ചു. കൈചൂണ്ടി ജംഗ്ഷന് സമീപമുള്ള സണ്‍ ത്രെഡ്ഹൗസ് എന്ന സ്ഥാപനത്തില്‍നിന്നും ആയിരക്കണക്കിന് രൂപയുടെ സാധനങ്ങളും മോഷണം പോയി. കൂടാതെ പല കടകളിലും മോഷണശ്രമം നടക്കുകയുണ്ടായി. പോലീസ് പട്രോളിംഗ് ശക്തമാക്കണമെന്ന് വ്യാപാരി വ്യവസായി ടൗണ്‍ കൈചൂണ്ടി യൂണിറ്റ് യോഗം ആവശ്യപ്പെട്ടു. ബി മെഹബൂബ് അധ്യക്ഷതവഹിച്ചു. ടിപ്-ടോപ്പ് ജലീല്‍, ഹാരീസ് കാട്ടുങ്കല്‍, എബി തോമസ്, അനീസ് രാജ എന്നിവര്‍ സംസാരിച്ചു.