അങ്കമാലി: ലോക ബധിര വോളിബോള്‍ ചാമ്പ്യന്‍ഷിപ്പില്‍ പങ്കെടുക്കുവാനുള്ള ഇന്ത്യന്‍ ടീമിലേയ്ക്ക് തെരഞ്ഞെടുക്കപ്പെട്ട അഖില്‍ വര്‍ഗീസിന് തുറവുര്‍ ഗ്രാമപഞ്ചായത്തിന്റെയും കിടങ്ങൂര്‍ നിവാസികളുടെയും ആഭിമുഖ്യത്തില്‍ അനുമോദനവും യാത്രയപ്പും സംഘടിപ്പിച്ചു.
കിടങ്ങൂര്‍ ശ്രീഭദ്ര എല്‍.പി സ്‌കൂളില്‍ നടന്ന അനുമോദന സമ്മേളനം റോജി.എം.ജോണ്‍ ഉദ്ഘാടനം ചെയ്തു. സമ്മേളനത്തില്‍ തുറവുര്‍ ഗ്രാമപഞ്ചായത്ത് പ്രസിഡന്റ് കെ.വൈ.വര്‍ഗീസ് അദ്ധ്യക്ഷത വഹിച്ചു.
ജില്ലാ പഞ്ചായത്ത് അംഗം സാംസണ്‍ ചാക്കോ, തുറവുര്‍ ഗ്രാമപഞ്ചായത്ത് വൈസ് പ്രസിഡന്റ് സില്‍വി ബൈജു, പഞ്ചായത്ത് സ്റ്റാന്റിംഗ് ചെയര്‍മാന്‍മാരായ ജോസഫ് പാറേക്കാട്ടില്‍, എം.എം ജയ്‌സണ്‍, രാജി ബിനീഷ്, പഞ്ചായത്ത് അംഗങ്ങളായ ജിന്റോ വര്‍ഗീസ്, ലതാ ശിവന്‍, ടെസി പോളി, ടി.ടി.പൗലോസ്, വിവിധ പാര്‍ട്ടി നേതാക്കളായ കെ.പി.രാജന്‍, പി.കെ.വര്‍ഗീസ്, വോളിബോള്‍ അസോസിയേഷന്‍ ജില്ലാ പ്രസിഡന്റ് കെ.പി.തോമസ് തുടങ്ങിയവര്‍ പ്രസംഗിച്ചു.