പെരുമ്പാവൂര്‍: കേരള ഫോറസ്റ്റ് പ്രൊട്ടക്ടീവ് സ്റ്റാഫ് അസ്സോസിയേഷന്‍ കുന്നത്തുനാട് മേഖല പൊതുയോഗം മലയാറ്റൂര്‍ പില്‍ഗ്രിം സെന്ററില്‍ നടന്നു. മലയാറ്റൂര്‍ - നീലീശ്വരം ഗ്രാമപഞ്ചായത്ത് പ്രസിഡന്റ് അനിമോള്‍ ബേബി ഉദ്ഘാടനം നിര്‍വഹിച്ചു. മേഖല പ്രസിഡന്റ് എം.എന്‍ അനൂപ് അധ്യക്ഷത വഹിച്ചു. മുന്‍ സംസ്ഥാന സെക്രട്ടറി പി.ഒ അപ്പച്ചന്‍ മുഖ്യപ്രഭാഷണം നടത്തി. വനം വകുപ്പിലെ പ്രൊട്ടക്ഷന്‍ വിഭാഗം ജീവനക്കാര്‍ കടുത്ത അവണനയാണ് നേരിടുന്നതെന്ന് പി.ഒ അപ്പച്ചന്‍ വ്യക്തമാക്കി.
മുഖ്യമന്ത്രിയുടെ ഫോറസ്റ്റ് മെഡലിന് അര്‍ഹനായ എസ്.വിക്രംദാസ്, ദേശീയ വനം കായിക മേളയില്‍ വെറ്ററന്‍ ചാമ്പ്യനായ പി.ആര്‍ ജയകുമാര്‍ എന്നിവര്‍ക്ക് കാലടി പ്രകൃതി പഠനകേന്ദ്രം അസി.ഫോറസ്റ്റ് കണ്‍സര്‍വേറ്റര്‍ പി.എന്‍ പ്രേംചന്ദര്‍ ഉപഹാരങ്ങള്‍ നല്‍കി. ചടങ്ങില്‍ മേഖല സെക്രട്ടറി എം.എന്‍ ശ്രീകുമാര്‍, കെ.എഫ്.പി.എസ്.എ ജില്ലാ പ്രസിഡന്റ് ഇ.ബി ഷാജുമോന്‍, ജില്ലാ സെക്രട്ടറി വി.കെ അജന്തന്‍, ജില്ലാ ട്രഷറര്‍ കെ.സി ഡായി, സംസ്ഥാന ഓഡിറ്റര്‍ കെ.മോഹനന്‍, സംസ്ഥാന കൗണ്‍സിലര്‍മാരായ ആര്‍.വിജയന്‍, കെ.ബിജു, എ.എസ് വിനയന്‍, മഹേഷ് ആന്റണി, പി.ആര്‍ ജയകുമാര്‍ എന്നിവര്‍ സംസാരിച്ചു.