കൊച്ചി: അലൂമിനിയം നിര്‍മിത വാതില്‍, ജനല്‍, മുഖപ്പ് രംഗത്തെ പ്രീമിയം ജര്‍മന്‍ ബ്രാന്‍ഡായ ഷുക്കോയുടെ എക്‌സ്‌ക്ലൂസിവ് ഷോറൂം കൊച്ചിയില്‍ തുറന്നു. എക്‌സെലോണ്‍ ഹൈ-ഫാബ്‌സ് ആന്റ് കോണ്‍ട്രാക്‌റ്റേഴ്‌സിന്റെ പങ്കാളിത്തത്തോടെ പാടിവട്ടത്ത് ആരംഭിച്ച ഷോറൂമിന്റെ ഉദ്ഘാടനം കുമാര്‍ ഗ്രൂപ്പ് പ്രിന്‍സിപ്പല്‍ ആര്‍ക്കിടെക്റ്റ് എസ് ഗോപകുമാര്‍ നിര്‍വഹിച്ചു. ചടങ്ങില്‍ ശില്‍പി ആര്‍ക്കിടെക്റ്റ്‌സ് ഡയറക്ടര്‍ സെബാസ്റ്റ്യന്‍ ജോസ് നിലവിളക്ക് തെളിച്ചു. ഷുക്കോ ഇന്ത്യ സെയില്‍സ് ഡയറക്ടര്‍ ആഷിഷ് കപൂര്‍, എക്‌സെലോണ്‍ ഹൈ-ഫാബ്‌സ് ആന്റ് കോണ്‍ട്രാക്‌റ്റേഴ്‌സ് മാനേജിങ് ഡയറക്ടര്‍ ജോഷി പി. മാത്യു എന്നിവര്‍ ചടങ്ങില്‍ പങ്കെടുത്തു.