കൊച്ചി: സ്വന്തം മേഖലകളില്‍ മികവുറ്റ പ്രകടനത്തിലൂടെ മാതൃക സൃഷ്ടിച്ച വനിതകളെ ആദരിക്കുന്നതിന് ഇസാഫ് കോ ഓപറേറ്റീവ് ഏര്‍പ്പെടുത്തിയ സ്ത്രീരത്‌ന ദേശീയ പുരസ്‌കാരത്തിന് അപേക്ഷ ക്ഷണിച്ചു. ഫെബ്രുവരി 25 വരെ നാമനിര്‍ദേശം സമര്‍പ്പിക്കാം. പ്രതികൂല സാഹചര്യങ്ങളെ ചെറുത്തു തോല്‍പ്പിച്ച് തൊഴില്‍ രംഗത്തും സമൂഹത്തിലും സ്വന്തമായി ഒരിടം കണ്ടെത്തുകയും ജനങ്ങളുടെ ജീവിതത്തില്‍ സ്വാധീനം ചെലുത്തുകയും ചെയ്ത വനിതകള്‍ക്കാണ് പുരസ്‌കാരം നല്‍കുന്നത്. അവാര്‍ഡ് ബ്രോഷര്‍ ഇസാഫ് കോഓപറേറ്റീവ് ചെയര്‍മാന്‍ മെറീന പോള്‍ പ്രകാശനം ചെയ്തു.
പുരസ്‌കാരത്തിന് അര്‍ഹതയുള്ള വനിതകളെ മറ്റുള്ളവര്‍ക്കും നാമനിര്‍ദേശം ചെയ്യാം.ഒരു ലക്ഷം രൂപയും പ്രശസ്തിപത്രവും അടങ്ങുന്നതാണ് അവാര്‍ഡ്. വേേു:ലമെളരീീുലൃമശേ്‌ല.ശിവീാലമംമൃറ എന്ന ലിങ്കില്‍ അപേക്ഷ ലഭിക്കും. മാര്‍ച്ച് ഒന്നിന് പുരസ്‌കാര ജേതാവിനെ പ്രഖ്യാപിക്കും. മാര്‍ച്ച് 14ന് തൃശൂരില്‍ നടക്കുന്ന ചടങ്ങില്‍ അവാര്‍ഡ് വിതരണം ചെയ്യും. വിവരങ്ങള്‍ക്ക് 9349008149.