പെരുമ്പാവൂര്‍: കീഴില്ലം പെരുംതൃക്കോവില്‍ ശ്രീ മഹാദേവക്ഷേത്രം തിരുവുത്സവം 2017 നമസ്‌കാരമണ്ഡപ - ചുറ്റമ്പല സമുച്ചയങ്ങളുടെ സമര്‍പ്പണവും മഹാസമ്മേളനോദ്ഘാടനവും ഇന്ന് നടക്കും. വൈകീട്ട് അഞ്ചിന് നടക്കുന്ന ചടങ്ങില്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണ്‍ ചുറ്റമ്പല സമര്‍പ്പണം നടത്തും. സമിതി പ്രസിഡന്റ് ഇ.എന്‍ സുനില്‍ കുമാര്‍ അധ്യക്ഷത വഹിക്കും. ദേവസ്വം ബോര്‍ഡംഗം അജയ് തറയില്‍ നമസ്‌കാര മണ്ഡപസമര്‍പ്പണം നടത്തും. മുന്‍ ശബരിമല - മാളികപുറം മേല്‍ശാന്തി ബ്രഹ്മശ്രീ എ.ആര്‍ രാമന്‍ നമ്പൂതിരി മഹാസമ്മേളനത്തിന്റെ ഭദ്രദീപപ്രോജ്ജ്വലനം നടത്തും. ദേവസ്വം ബോര്‍ഡ് കമ്മീഷ്ണര്‍ രാമരാജപ്രേമ പ്രസാദ് സമ്മോളനോദ്ഘാടനം നിര്‍വ്വഹിക്കും. ജനറേറ്റര്‍ സമര്‍പ്പണം ദേവസ്വം ബോര്‍ഡ് മെമ്പര്‍ കെ.രാഘവന്‍ നിര്‍വ്വഹിക്കും.