പൂച്ചാക്കല്‍:വടുതല ജങ്ഷനിലെ ബസ് സ്റ്റോപ്പ് മാറ്റുന്നത് ഏകപക്ഷീയമാകരുതെന്ന് അരൂക്കുറ്റി മര്‍ച്ചന്റ് അസോസിയേഷന്‍.
ഗതാഗതക്കുരുക്കിനും അപകടങ്ങള്‍ക്കും പരിഹാരം കാണുവനായി നിലവിലെ ബസ് സ്റ്റോപ്പ്  മാറ്റുന്നതിലൂടെസാധ്യമാകുമെങ്കില്‍ അത് അംഗീകരിക്കും. പക്ഷെ അത് ഏകപക്ഷീയവും, ചിലരുടെ താല്പര്യങ്ങള്‍ സംരക്ഷിക്കാനും ആകരുതെന്ന് ഭാരവാഹികള്‍ പറഞ്ഞു.
  വ്യാപാരികളുടെ അഭിപ്രായം കൂടി തേടി എല്ലാവര്‍ക്കും സ്വീകാര്യമാകുന്ന  സ്ഥലത്തേക്ക് സ്റ്റോപ്പ്  മാറ്റണമെന്ന് ആവശ്യപ്പെട്ട് അരൂക്കുറ്റി പഞ്ചായത്ത് സെക്രട്ടറിക്കും,അര്‍.ടി.ഒക്കും നിവേദനം നല്‍കി.  
അരുക്കുറ്റി മര്‍ച്ചന്റ് അസോസിയേഷന്‍ പ്രസിഡന്റ് സി.കെ അഷറഫ്, വൈസ് പ്രസിഡന്റ് ചന്ദ്രബോസ്, ട്രഷറര്‍ സക്കീര്‍ മുഹമ്മദ്,വ്യാപാരി വ്യവസായി സമിതി പ്രസിഡന്റ് കെ.ഇ കുഞ്ഞുമുഹമ്മദ്,ഷാജിര്‍ ഖാന്‍, എന്‍.എ സക്കരിയ, ഫസീര്‍ കോട്ടൂര്‍,മൊയ്തു ടൈം വേള്‍ഡ്, ഷിഹാബ് സെവന്‍സ് തുടങ്ങിയവര്‍ നേതൃത്വം നല്‍കി.