സീതാംഗോളി: വൈദ്യുതി കമ്പിയില്‍ തട്ടി വൈക്കോല്‍ കയറ്റി പോവുകയായിരുന്ന ലോറിക്ക് തീപിടിച്ചു. ജീവനക്കാര്‍ അത്ഭുതകരമായി രക്ഷപ്പെട്ടു.
കഴിഞ്ഞ ദിവസം രാത്രി എട്ടോടെ പുത്തിഗെ സ്‌കൂളിന് സമീപമായിരുന്നു അപകടം. പെര്‍ളയിലെ ശിവശങ്കരയുടെ ഉടമസ്ഥതയിലുള്ളതാണ് ലോറി. വൈക്കോല്‍ കയറ്റി പെര്‍ള ഭാഗത്തേക്ക് പോകുന്നതിനിടെയാണ് ലോറിക്ക് തീപിടിച്ചത്. തീ പടരുന്നത് ശ്രദ്ധയില്‍പ്പെട്ടതിനെ തുടര്‍ന്ന് ജീവനക്കാര്‍ ലോറി നിര്‍ത്തി ഇറങ്ങി ഓടുകയായിരുന്നു. മുന്നു യൂനിറ്റ് ഫയര്‍ഫോഴ്‌സെത്തിയാണ് തീ അണച്ചത്. ലോറി പൂര്‍ണമായും കത്തി നശിച്ചു.