നെടുമങ്ങാട്: ആര്യനാട് ഗ്രാമ പഞ്ചായത്തിലെ ബി.പി.എല്‍.ലിസ്റ്റ് പരിശോധിക്കുന്നതിനും അംഗീകാരം നല്‍കുന്നതിനുമുള്ള പ്രത്യേക ഗ്രാമസഭകള്‍ ഇന്ന് നടക്കും.ഇന്ന് രാവിലെ 11ന് കീഴ്പാലൂര്‍ വാര്‍ഡ് സഭ കീഴ്പാലൂര്‍ കമ്മ്യൂണിറ്റി ഹാളിലും മീനാങ്കല്‍ വാര്‍ഡ് സഭ മലയംതേരി  മുസ്‌ലിം പള്ളി ഹാളിലും,കോട്ടയ്ക്കകം വാര്‍ഡ് സഭ പഞ്ചായത്ത് കമ്മ്യൂണിറ്റി ഹാളിലും, ഇരിഞ്ചല്‍ വാര്‍ഡ് സഭ ഇരിഞ്ചല്‍ സി.എസ്.ഐ.ഹാളിലും, രാവിലെ 10ന് തേവിയാരുകുന്ന് വാര്‍ഡ് സഭ  തേവിയാരുകുന്ന് ട്രൈബല്‍ എല്‍.പി.സ്‌കൂളിലും നടക്കും.
ഉച്ചയ്ക്ക് രണ്ടിന് വാറുകാട് വാര്‍ഡ് സഭ വാറുകാട് അംഗന്‍വാടിയിലും,വൈകിട്ട് മൂന്നിന് പാലൈക്കോണം വാര്‍ഡ് സഭ ആര്യനാട് സാഗര്‍ കോളേജിലും, ആര്യനാട് ഠൗണ്‍ വാര്‍ഡ് സഭ പഞ്ചായത്ത് കമ്മ്യൂണിറ്റി ഹാളിലും,ഇറവൂര്‍ വാര്‍ഡ് സഭ എന്‍.എസ്.എസ്.ഹാളിലും,വലിയകലുങ്ക് വാര്‍ഡ് സഭ വലിയകലുങ്ക് യു.പി.എസിലും, വൈകിട്ട് നാലിന് പറണ്ടോട് വാര്‍ഡ് സഭ വലിയകലുങ്ക് യു.പി.എസിലും, പുറുത്തിപ്പാറ വാര്‍ഡ് സഭ പറണ്ടോട് സെന്റ് വിക്ടേഴ്‌സ് യു.പി.എസിലും, ഈഞ്ചപ്പുരി വാര്‍ഡ് സഭ ഈഞ്ചപ്പുരി ഗവ.എല്‍.പി.എസിലും,കൊക്കോട്ടേല വാര്‍ഡ് സഭ കൊക്കോട്ടേല എന്‍.എസ്.എസ്.യു.പി.എസിലും, പള്ളിവേട്ട വാര്‍ഡ് സഭ ഇരിഞ്ചല്‍ സി.എസ്.ഐ.ഹാളിലും, കാനക്കുഴി വാര്‍ഡ് സഭ സെന്റ് തോമസ് സ്‌കൂളിലും, ചൂഴ വാര്‍ഡ് സഭ ലൂഥര്‍ഗിരി യു.പി.എസിലും, മാര്‍ച്ച് മൂന്നിന് വൈകിട്ട് നാലിന് കാഞ്ഞിരംമൂട് വാര്‍ഡ് സഭ പഴയതെരുവ് ഗവ.എല്‍.പി.എസിലും നടക്കും.ബന്ധപ്പെട്ടവര്‍ അതത് ഗ്രാമ സഭായോഗങ്ങളില്‍ പങ്കെടുക്കണമെന്ന് ഗ്രാമ പഞ്ചായത്ത് പ്രസിഡന്റ് എസ്.ഷാമിലാബീഗം അറിയിച്ചു.