കിളിമാനൂര്‍: യുവതിയെ  ആക്രമിച്ചച്ചതിനു പിന്നാലെ പഴയകുന്നുമ്മേല്‍ ഗ്രാമപ്പഞ്ചായത്തിലെ ചെറുനാരകംകോട് വീണ്ടും തെരുവുനായ്ക്കളുടെ ആക്രമണം. കഴിഞ്ഞ ദിവസം ആടുകളെയാണ്  ആക്രമിച്ചത്. സംഭവത്തില്‍ രണ്ട് ആടുകള്‍ ചാവുകയും രണ്ട് ആടുകള്‍ക്ക് ഗുരുതരമായി മുറിവേല്‍ക്കുകയും ചെയ്തു .
കഴിഞ്ഞ ദിവസം രാത്രിയിലാണ് നായ്ക്കൂട്ടം ആടുകളെ ആക്രമിച്ചത്. മുണ്ടനാഴി മംഗലത്ത് വീട്ടില്‍ പ്രസാദിന്റെ  ആടുകളാണ് ചത്തത് .ചെറുനാരകംകോട് അശ്വതി ഭവനില്‍ പത്മിനിയുടെ ആടുകളെയാണ് കടിച്ചു മുറിവേല്‍പ്പിച്ചത്.
 കഴിഞ്ഞ ദിവസം ചെറുനാരകംകോട് അനൂപ് ഭവനില്‍ ആതിര (24) ക്ക് നായ്ക്കളുടെ ആക്രമണത്തില്‍ ഗുരുതരമായി പരുക്കേറ്റിരുന്നു. ഇവര്‍ ഇപ്പോഴും  ചികിത്സയിലാണ്.