ന്യൂഡല്‍ഹി: കേന്ദ്ര സര്‍ക്കാര്‍ നിലപാടുകള്‍ക്കെതിരെ രൂക്ഷ വിമര്‍ശനവുമായി ശശി തരൂര്‍ എം.പി പാര്‍ലമെന്റില്‍. 2020ല്‍ രാജ്യത്തിന്റെ ആത്മാവിനെ രണ്ടായി പകുത്തെടുത്തുവെന്ന് അദ്ദേഹം കുറ്റപ്പെടുത്തി. സര്‍ക്കാരിന്റെ പദ്ധതികള്‍ ഇനി പേര് മാറ്റി ' ഷട്ട് ഡൗണ്‍ ഇന്ത്യ, സിറ്റ് ഡൗണ്‍ ഇന്ത്യ, ഷട്ട് അപ്പ് ഇന്ത്യ' എന്നാക്കണമെന്നും അദ്ദേഹം കൂട്ടിച്ചേര്‍ത്തു.

രാജ്യത്തിന്റെ മൗലികഗുണങ്ങളായ ജനാധിപത്യത്തിനും മതേതരത്ത്വത്തിനും പരിക്കേല്‍പ്പിക്കുകയാണ് ബി.ജെ.പി ഭരണകൂടം. ജനങ്ങളെ ഹിന്ദു മുസ്!ലിം, അവര്‍ നമ്മള്‍ എന്നിങ്ങനെ തരം തിരിച്ചു. രാഷ്ട്രീയ പ്രതിന്ധികള്‍ പക്വമായി കൈകാര്യം ചെയ്യുന്നതില്‍ സര്‍ക്കാര്‍ പരാജയമായിരുന്നെന്നും കശ്മീര്‍ വിഷയം ചൂണ്ടിക്കാട്ടി തരൂര്‍ കുറ്റപ്പെടുത്തി.

1947ല്‍ ഇന്ത്യന്‍ മണ്ണിനെ രണ്ടായി വിഭജിക്കുകയായിരുന്നെങ്കില്‍ 2020ല്‍ കേന്ദ്ര സര്‍ക്കാര്‍ ഇന്ത്യയുടെ ആത്മാവിനെ രണ്ടായി വിഭജിച്ചുവെന്നും തരൂര്‍ അഭിപ്രായപ്പെട്ടു. ഇടതുപക്ഷത്തെയും, മറ്റു ആക്ടിവിസ്റ്റുകളെയും വിശേഷിപ്പിക്കാന്‍ ബി.ജെ.പിയും അധികാരികളും ടുകഡെ ടുകഡെ ഗ്യാങ് എന്നു ഉപയോഗിക്കുന്നതിനെയും ശശി തരൂര്‍ വിമര്‍ശിച്ചു.