റിയാദ്: ഒ.ഐ.സി.സി കോഴിക്കോട് ജില്ലാ  കമ്മറ്റിയും നെസ്റ്റോ ഹൈപ്പർ മാർക്കറ്റും സംയുക്ത ആഭിമുഖ്യത്തിൽ സംഘടിപ്പിക്കുന്ന  അഞ്ചാമത് " നെസ്റ്റോ ഒ.ഐ.സി.സി.കളർ ഫെസ്റ്റ് 2020 " ഫെബ്രുവരി - 07 ന് വെള്ളിയാഴ്ച്ച സീസിയ നെസ്റ്റോ ട്രെയിൻമാളിൽ (ഗാർഡാനിയ) വെച്ച് നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു.

 

വെള്ളിയാഴ്ച ഉച്ചക്ക് ഒരു മണി മുതൽ മൂന്നര വരെ സ്പോട്ട് രജിസ്ട്രേഷൻ നടക്കും.  4 മണി മുതൽ മത്സരം ആരംഭിക്കും.
എൽ.കെ.ജി. മുതൽ ഫസ്റ്റ് സ്റ്റാന്റേഡ് വരെ ഗ്രൂപ്പ് (എ) വിഭാഗത്തിലും ,രണ്ട് മുതൽ നാല് വരെയുള്ള ക്ലാസുകൾ ഗ്രൂപ്പ് (ബി) വിഭാഗത്തിലും ,അഞ്ച് മുതൽ എട്ട് വരെയുള്ള ക്ലാസുകൾ ഗ്രൂപ്പ് (സി) വിഭാഗത്തിലും, ഒൻപത് മുതൽ പന്ത്രണ്ടാം ക്ലാസ് വരെ ഗ്രൂപ്പ് (ഡി )എന്നീ നാല്‌ വിഭാഗങ്ങളിയാട്ടാണ്‌ മത്സരങ്ങൾ നടക്കുക.  നാല് ഗ്രൂപ്പുകളിലെയും ഒന്നും രണ്ടും മൂന്നും സ്ഥാനക്കാർക്കുള്ള സമ്മാനങ്ങൾ പരിപാടിയുടെ മുഖ്യ പ്രായോജകരായ നെസ്റ്റോ ഹൈപ്പർ മാർക്കറ്റാണ് സമ്മാനിക്കുന്നത്, ഒന്നാംസ്ഥാനം നേടുന്നവർക്ക്
 ഗോൾഡ് കോയനും  മറ്റു വിജയികൾക്ക് ആകർഷകമായ സമ്മാനങ്ങളും  സർട്ടിഫിക്കറ്റുകളും നൽകും.   മികച്ച പ്രകടനം കാഴ്ച വെക്കുന്ന വിദ്യാർത്ഥിക്ക്  എയർ ഇന്ത്യ നൽകുന്ന അപ്പൺ ഡൗൺ ടിക്കറ്റും സമ്മാനമായി നൽകും.   അതോടൊപ്പം 18 വയസ്സിന് മുകളിലുള്ളവർക്കായി "Draw a caricature contest"മത്സരവും  വിജയിക്ക് ക്യാഷ് പ്രൈസും സമ്മാനിക്കും.  പരിപാടിയുടെ ഭാഗമായി കൂടി സൗജന്യ മെഡിക്കൽ ക്യാമ്പും ഉണ്ടായിരിക്കും.  കൂടുതൽ വിവരങ്ങൾക്കായി അബ്ദുൽ കരീം കൊടുവള്ളി [0503824554] ഹർഷാദ് എം.ടി.[ 0500 609227] അശ്റഫ് മേച്ചീരി [0546474174] എന്നീ നമ്പറുകളിലേക്ക് ബന്ധപ്പെടാവുന്നതാണ്. റജിസ്ട്രേഷൻ ഫോമുകൾ അതാത് സ്കൂളുകളിലും ലഭ്യമായിരിക്കും.  ഓൺലൈൻ റജിസ്ട്രേഷനായി http://oiccriyadh.com/colourfest/form.php എന്ന ലിങ്കിലും ബന്ധപ്പെടാവുന്നതാണ്.  ഇതിൽ നിന്നും ലഭിക്കുന്ന പ്രധാന വരുമാനം കോഴിക്കോട് ജില്ലാ കമ്മറ്റി പാവപ്പെട്ടവർക്കായി നിർമ്മിച്ച് നൽകുന്ന "ഇന്ദിരാജി സ്നേഹ ഭവന "പദ്ധതിക്കാണ്  വിനിയോഗിക്കുക. അതിന്റെ ഭാഗമായി ജില്ലയിൽ രണ്ട് വീടുകളുടെ നിർമ്മാണം പൂർത്തിയാക്കി താക്കോൽ കൈമാറുകയും മൂന്നാമത്തെ വീടിന്റെ പണി പൂർത്തിയാക്കാനും കമ്മറ്റിക്ക് സാധിച്ചു വെന്നും ഇവർ പറഞ്ഞു. വാർത്താ സമ്മേളനത്തിൽ പ്രോഗ്രാം ചെയർമാൻ അബ്ദുൽ കരീം കൊടുവള്ളി, കൺവീനർ മോഹൻദാസ് വടകര, ഭവന പദ്ധതി ചെയർമാൻ നവാസ് വെള്ളിമാട്കുന്ന്, സെക്രട്ടറി ഹർഷാദ് എം.ടി, ജമാൽ എരഞ്ഞിമാവ്, മീഡിയ കൺവീനർ അശ്റഫ് മേച്ചീരി സംബന്ധിച്ചു.