കൊല്ലം: യാത്രക്കാരുടെ കാഴ്ച മറക്കുന്ന രീതിയില്‍ അപകടഭീഷണി ഉയര്‍ത്തി പുത്തൂര്‍ വെണ്ടാര്‍ എസ് വളവില്‍ സിഗ്നല്‍ ബോര്‍ഡുകള്‍ മറച്ച് റോഡിലേക്ക് വളര്‍ന്നിറങ്ങിക്കിടന്ന കുറ്റിക്കാടുകളും, പുല്ലും വെട്ടിത്തെളിച്ച് പുത്തുര്‍ പൊലഇസ് നാടിന് മാതൃകയായി. റോഡിലേക്ക് ഇറങ്ങി കാട് പിടിച്ച് കിടക്കുന്നത് മൂലം ഇരുവശത്ത് നിന്നും വെരുന്ന യാത്രക്കാര്‍ക്ക് എതിരേ വെരുന്ന വാഹനങ്ങള്‍ കാണാന്‍ വളരെ പ്രയാസമായിരുന്നു. ഇത് മൂലം ചെറുതും വലുതുമായ നിരവധി അപകടങ്ങള്‍ ഇവിടെ ഉണ്ടായിട്ടുള്ളതായി നാട്ടുകാര്‍ പറയുന്നു. കാട് മൂടി കിടക്കുന്നതിനാല്‍ കാല്‍നട യാത്രികര്‍ വളരെ ഭീതിയോടെയാണ് ഇതുവഴി കടന്ന് പോയിരുന്നത്. പുത്തൂര്‍ പൊലിസ് സബ് ഇന്‍സ്‌പെക്ടര്‍ ആര്‍. രതീഷിന്റെ നേതൃത്വത്തില്‍ പൊലിസ് സേനാഗംങ്ങളും, നാട്ടുകാരും ചേര്‍ന്നാണ് കാട് വെട്ടിത്തെളിച്ചത്.