ലണ്ടന്‍: ക്രിസ്റ്റല്‍ പാലസിന്റെ ആരാധകര്‍ സ്വന്തം ടീമിന്റെ ബസ് ആക്രമിച്ചു. എതിരാളികളായ മിഡില്‍സ്‌ബ്രോയുടെ ബസാണെന്ന് കരുതിയാണ് ഇവര്‍ അക്രമം അഴിച്ചു വിട്ടത്. ഇരുവരും തമ്മില്‍ ശനിയാഴ്ച്ച പോരാട്ടം നടക്കുന്നതിന് മുന്‍പാണ് ആക്രമണം.
സെല്‍ഹര്‍സ്റ്റ് പാര്‍ക്കിനടുത്ത് നിര്‍ത്തിയിട്ട ബസാണ് ആരാധകര്‍ ആക്രമിച്ചത്. ബസിനകത്ത് വ്യാപക നാശനഷ്ടമുണ്ടായിട്ടുണ്ട്. തരംതാഴ്ത്തല്‍ ഭീഷണിയെ മറികടന്ന് നേടിയ വിജയത്തിന് തൊട്ടുപിന്നാലെയാണ് ആക്രമണം ഉണ്ടായതെന്ന് ക്ലബ് വക്താവ് സ്ഥിരീകരിച്ചു. അതേസമയം സംഭവം പൊലിസ് റിപ്പോര്‍ട്ട് ചെയ്തതായി ക്ലബ് വ്യക്തമാക്കി.
ആക്രമണത്തിന് ശേഷവും ക്ലബ് ഇതില്‍ തന്നെ യാത്ര ചെയ്‌തെന്ന് കോച്ച് പറഞ്ഞു. 40,000 പൗണ്ടിന്റെ നാശനഷ്ടങ്ങളാണ്ടായതെന്ന് റിപ്പോര്‍ട്ടുണ്ട്.