പയ്യന്നൂര്‍: യു.എ.ഇ കയ്യായി മുസ്ലിം യൂത്ത് സെന്ററിന്റെ ആഭിമുഖ്യത്തില്‍ കവ്വായി ശാഖ മുസ്‌ലിം ലീഗ് കമ്മറ്റിയുടെ സഹകരണത്തോടെ സംഘടിപ്പിക്കുന്ന അഖിലകേരള ഖുര്‍ആന്‍ പാരായണ മത്സരം 'ദി ഹോളി ഖുര്‍ആന്‍ 26' ഡിസംബറില്‍ കവ്വായിയില്‍ നടക്കും. മുന്നോടിയായുള്ള സംഘാടക സമിതി രൂപീകരണ യോഗം കോഴിക്കോട് വലിയഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു.
എസ്.എ ഷുക്കൂര്‍ ഹാജി അധ്യക്ഷനായി. എം.എ.സി അബ്ദുള്ള മൗലവി, ശറഫുദ്ദീന്‍ ഫൈസി, എസ്.കെ ഹംസ ഹാജി, കെ.ടി സഹദുള്ള, റുഖുനുദ്ദീന്‍ പയ്യന്നൂര്‍, ഫായിസ് കവ്വായി, എം.കെ തയ്യില്‍ എന്നിവര്‍ സംസാരിച്ചു. എസ് സൈനുദ്ദീന്‍ സ്വാഗതവും ടി.പി അസീസ് ഹാജി നന്ദിയും പറഞ്ഞു. പാണക്കാട് സയ്യിദ് ഹൈദരലി ശിഹാബ് തങ്ങളാണ് സംഘാടക സമിതി മുഖ്യരക്ഷാധികാരി. കോഴിക്കോട് വലിയ ഖാസി മുഹമ്മദ് കോയ ജമലുല്ലൈലി തങ്ങള്‍ ചെയര്‍മാനായും ഡോ.സലിം നദ്‌വി ചീഫ് കോഓഡിനേറ്ററായും 1001 അംഗ സംഘാടക സമിതിക്ക് രൂപം നല്‍കി. വര്‍ക്കിങ്ങ് ചെയര്‍മാനായി എസ് സൈനുദ്ദീനെയും, കോഡിനേറ്ററായി റു ഖുനുദ്ദീന്‍ പയ്യന്നൂരിനെയും ജനറല്‍ കണ്‍വീനര്‍മാരായി കാസിം കവ്വായി (യു.എ.ഇ), ടി.പി അസീസ് ഹാജി എന്നിവരെയും തിരഞ്ഞെടുത്തു.