റിയാദ്: സഊദിയിലെ പൗള്‍ട്രി ഫാമില്‍ പക്ഷിപനി സ്ഥിരീകരിച്ചു. തലസ്ഥാന നഗരിയായ റിയാദ് പ്രവിശ്യയിലെ കോഴി ഫാമിലാണ് പക്ഷിപ്പനി ബാധ സ്ഥിരീകരിച്ചത്. ഇതേ തുടര്‍ന്ന് ഫാം അടച്ചു പൂട്ടിയതായി പരിസ്ഥിതി, ജല, കൃഷി മന്ത്രാലയം അറിയിച്ചു. ലോക മൃഗ സംരക്ഷണ ഓര്‍ഗനൈസേഷനും ഇക്കാര്യം സ്ഥിരീകരിച്ചിട്ടുണ്ട്. മനുഷ്യരിലേക്ക് പടര്‍ന്നുപിടിക്കാത്ത എച്ച്-5 എന്‍-8 ഇനത്തില്‍ പെട്ട പക്ഷിപനിയാണ് കണ്ടെത്തിയതെന്ന് പരിസ്ഥിതി, ജല, കൃഷി മന്ത്രാലയ വക്താവ് ഡോ. അബ്ദുല്ല വ്യക്തമാക്കി.