പയ്യോളി: കിഴൂര്‍ചൊവ്വ വയലില്‍ തീപിടിത്തം. ഉച്ചയ്ക്ക് ഒരുമണിയോടെയാണ് സംഭവം. കടുത്ത വേനലായതിനാല്‍ വയലിലെ ഉണങ്ങിയ പുല്ലിലൂടെ തീ അതിവേഗം പടരുകയായിരുന്നു. അതിനിടെ ചൊവ്വ വയലില്‍ ഉത്സവത്തോടനുബന്ധിച്ച് നടക്കുന്ന വെടിക്കെട്ടിന്റെ അവശിഷ്ടങ്ങള്‍ക്ക് തീപിടിക്കുകയും പടക്കങ്ങള്‍ പൊട്ടുകയും ചെയ്തത് പരിഭ്രാന്തി പടര്‍ത്തി.
വിവരമറിഞ്ഞ് വടകരയില്‍ നിന്നും സ്‌റ്റേഷന്‍ ഓഫിസര്‍ കെ. മനോജിന്റെ നേതൃത്വത്തില്‍ രണ്ട് യൂനിറ്റ് ഫയര്‍ഫോഴ്‌സ് സ്ഥലത്തെത്തി. പൊലിസ് എ.എസ്.ഐ വി. ശശിധരന്റെ നേതൃത്വത്തില്‍ പൊലിസും സ്ഥലത്തെത്തി. നഗരസഭാ യോഗം നിര്‍ത്തിവച്ച് അധ്യക്ഷയടക്കമുള്ള അംഗങ്ങള്‍ സ്ഥലത്തെത്തി.