കൊച്ചി: തായ്‌ലാന്റ് സ്വദേശിനിയെ പീഡിപ്പിച്ച കേസില്‍ രണ്ടുപേര്‍ കൊച്ചിയില്‍ അറസ്റ്റിലായി. മലപ്പുറം സ്വദേശികളായ മുഹമ്മദ് ഇന്‍സാഫ്, അന്‍സാരി എന്നിവരാണ് അറസ്റ്റിലായത്.

കഴിഞ്ഞദിവസം യുവതി എറണാകുളം സെന്‍ട്രല്‍ പൊലിസില്‍ നല്‍കിയ പരാതിയുടെ അടിസ്ഥാനത്തിലാണ് നടപടി. യുവതിയുടെ മകന്‍ മലപ്പുറത്തെ ഒരു വിദ്യാഭ്യാസ സ്ഥാപനത്തില്‍ പഠിക്കുന്നുണ്ട്.

മകനെ കാണാനായി കേരളത്തില്‍ വരുമ്പോഴെല്ലാം യാത്രകളില്‍ മുഹമ്മദ് ഇന്‍സാഫാണ് ഒന്നിച്ച് ഉണ്ടാവാറുള്ളത്. ഇതിനിടെയാണ് തന്നെ പീഡിപ്പിച്ചതെന്ന് യുവതി പരാതിയില്‍ പറയുന്നു. പിന്നീട് ഇയാള്‍ അന്‍സാരിയെയും ഒപ്പം കൂട്ടുകയായിരുന്നുവെന്നും പരാതിയില്‍ പറയുന്നു.