മാഹി: ചൂടിക്കോട്ട റോഡില്‍ മാഹി ജനറല്‍ ആശുപത്രി ടി.ബി വാര്‍ഡിനടുത്ത് നിര്‍ത്തിയിട്ട ആബുലന്‍സ് വാന്‍ കത്തി നശിച്ചു. ശനിയാഴ്ച രാത്രിയാണ് സംഭവം. ഫയര്‍മാന്‍ രഞ്ജിത്തിന്റെ നേതൃത്വത്തിലുള്ള മാഹി ഫയര്‍ഫോഴ്‌സ് എത്തി തീയണച്ചു. കഴിഞ്ഞ ദിവസം ന്യൂ മാഹി പോസ്റ്റാഫിസിനു സമീപം വൈദ്യുതിചോര്‍ച്ച മൂലം തീപിടിച്ചു. വേനല്‍ ചൂട് കൂടിയതോടെ നഗരത്തിന്റെ പല ഭാഗങ്ങളിലും ചപ്പുചവറുകള്‍ കൂട്ടിയിട്ടിരിക്കുന്ന സ്ഥലങ്ങളില്‍ തീ പടരുന്നത് പതിവാണ്. കഴിഞ്ഞദിവസം മാഹിപാലത്തായി വളപ്പിലും രാത്രി തീ പടര്‍ന്നിരുന്നു.