ന്യൂഡല്‍ഹി: ജെ.എന്‍.യുവിലെ വിദ്യാര്‍ഥിനിയെ പീഡിപ്പിച്ച കേസില്‍ മുന്‍ എ.ബി.വി.പി നേതാവ് അറസ്റ്റില്‍. സര്‍വകലാശാലയിലെ ഗവേഷക വിദ്യാര്‍ഥി കൂടിയായ രാഘവേന്ദ്ര മിശ്രയാണ് അറസ്റ്റിലായത്. ഇയാള്‍ തന്നെ ഹോസ്റ്റല്‍ മുറിയിലേക്ക് വിളിച്ചുവരുത്തി പീഡിപ്പിച്ചുവെന്നാണ് വിദ്യാര്‍ഥിനിയുടെ പരാതി.

പരാതിയെ തുടര്‍ന്ന് ക്യാംപസിലെ സുരക്ഷാ ഉദ്യോഗസ്ഥരെത്തി രാഘവേന്ദ്രയെ പിടികൂടുകയായിരുന്നു. സംഭവത്തിന് പിന്നാലെ യുവതി പൊലിസില്‍ പരാതി നല്‍കുകയും ചെയ്തു. മജിസ്‌ട്രേറ്റിന് മുന്നില്‍ രഹസ്യമൊഴി നല്‍കണമെന്ന് പരാതിക്കാരി ആവശ്യപ്പെട്ടതായും അന്വേഷണം പുരോഗമരിക്കുകയാണെന്നും പൊലിസ് പറഞ്ഞു.