ലോസ് ആഞ്ചലസ്: ഓസ്‌കാര്‍ വേദിയിലെ വിമര്‍ശനങ്ങള്‍ക്ക് മറുപടിയുമായി യു.എസ്. പ്രസിഡന്റ് ഡൊണള്‍ഡ് ട്രംപ്. തന്നെ വിമര്‍ശിക്കാനുള്ള അമിത താല്‍പര്യമാണ് ഓസ്‌കര്‍ ചടങ്ങ് അലങ്കോലമാകാന്‍ കാരണമെന്ന് ട്രംപ് പ്രതികരിച്ചു.

സിനിമയിലായിരുന്നില്ല, തന്നെ ചീത്ത വിളിക്കാനായിരുന്നു സംഘാടകരുടെ ശ്രദ്ധയെന്ന് ബ്രെയ്റ്റ്ബാര്‍ട്ട് എന്ന വെബ്‌സൈറ്റിന് നല്‍കിയ അഭിമുഖത്തില്‍ ട്രംപ് കുറ്റപ്പെടുത്തി.

രാഷ്ട്രീയത്തില്‍ മാത്രം ശ്രദ്ധ കേന്ദ്രീകരിച്ചത് ഓസ്‌കാര്‍ ചടങ്ങിന്റെ ശോഭ കെടുത്തി. ഞാന്‍ ഇതിന് മുന്‍പും ഓസ്‌കര്‍ ചടങ്ങില്‍ പങ്കെടുത്തിട്ടുണ്ട്. എന്നാല്‍, ഇക്കുറി എന്തിന്റെയോ കുറവുണ്ടായിരുന്നു. അതൊരു ഗ്ലാമര്‍ സായാഹ്നമായിരുന്നില്ല, ചടങ്ങ് കുളമായാണ് അവസാനിച്ചതെന്നും ട്രംപ് ചൂണ്ടിക്കാട്ടി.