സംസ്ഥാനത്തെ പട്ടികവര്‍ഗ വിദ്യാര്‍ഥികള്‍ക്കായി 2020 ലെ നീറ്റ്എന്‍ജിനിയറിങ് പ്രവേശന പരീക്ഷയ്ക്കു മുന്‍പ് ഒരു മാസത്തെ പ്രത്യേക പരീക്ഷാ പരിശീലനം (ക്രാഷ് കോഴ്‌സ്) താമസ, ഭക്ഷണ സൗകര്യങ്ങളോടെ നടത്തുന്നു. ഈ മേഖലയില്‍ അഞ്ച് വര്‍ഷം മുന്‍പരിചയം ഉളള സ്ഥാപനങ്ങളില്‍നിന്നു പ്രൊപ്പോസല്‍ ക്ഷണിച്ചു. പ്രൊപ്പോസലുകള്‍ സ്വീകരിക്കുന്ന അവസാന തിയതി ഫെബ്രുവരി 15 ഉച്ചയ്ക്ക് രണ്ടു വരെ. 15ന് വൈകിട്ട് മൂന്നിന് ഹാജരുളള സ്ഥാപനങ്ങള്‍ പ്രതിനിധികളുടെ സാന്നിധ്യത്തില്‍ പ്രൊപ്പോസലുകള്‍ പരിഗണിക്കും. ഇത് സംബന്ധിച്ച പ്രീബിഡ് മീറ്റിങ് പത്തിന് പട്ടികവര്‍ഗ വികസന വകുപ്പ് ഡയറക്ടറേറ്റില്‍ നടക്കും. കൂടുതല്‍ വിവരങ്ങള്‍ക്ക് വികാസ് ഭവനില്‍ പ്രവര്‍ത്തിക്കുന്ന പട്ടിക വര്‍ഗ വികസന വകുപ്പ് ഡയറക്ടറുടെ ഓഫീസുമായി ബന്ധപ്പെടുക. ഫോണ്‍: 04712303229, 2304594