ചേലേമ്പ്ര: പഞ്ചായത്തിലെ പട്ടികജാതി കുടുംബങ്ങളുടെ പ്രത്യേക പഞ്ചായത്ത്തല ഗ്രാമസഭ എല്‍.പി സ്‌കൂളിള്‍ നടന്നു. പഞ്ചായത്ത് തലത്തില്‍ വിപുലമായി ആദ്യമായാണ് പട്ടിക ജാതി കുടംബങ്ങളുടെ ഗ്രാമസഭ ചേരുന്നത്. ഈ വര്‍ഷത്തെ പദ്ധതി പ്രവൃത്തിയില്‍ പട്ടികജാതി വിഭാഗക്കാരുടെ പ്രശ്‌നങ്ങള്‍ പഠിക്കുന്നതിനും കുടിവെളളം ഉള്‍പ്പെടെയുള്ള അടിസ്ഥാന സൗകര്യങ്ങള്‍ ഉറപ്പാക്കുന്നതുമാണ് സഭയുടെ ലക്ഷ്യം. വിവിധ കോളനികളെ പ്രതിനിധീകരിച്ച് നൂറ്റിഅമ്പതോളം പേര്‍ ചര്‍ച്ചകളില്‍ പങ്കെടുത്തു. ഗ്രാമ പഞ്ചായത്ത് പ്രസിഡന്റ് സി രാജേഷ് ഉദ്ഘാടനം ചെയ്തു. കെ ജമീല അധ്യക്ഷയായി.