തിരുവനന്തപുരം: ബൈപ്പാസ് ഉദ്ഘാടനത്തിന് എത്താതിരുന്നതിന്റെ കാരണം വിശദമാക്കി ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍പിള്ള. മെട്രോ ഉദ്ഘാടന സമയത്ത് ബി.ജെ.പി സംസ്ഥാന അധ്യക്ഷന്‍ കുമ്മനം രാജശേഖരന്റെ പേരിലുണ്ടായ പോലെ ട്രോളലിന് വിധേയനാകാതിരിക്കാനാണ് ബൈപ്പാസ് ഉദ്ഘാടനത്തിന് എത്താതിരുന്നതെന്ന് ശ്രീധരന്‍പിള്ള പറഞ്ഞു.

പ്രധാനമന്ത്രി നരേന്ദ്രമോദിയാണ് ബൈപ്പാസ് ഉദ്ഘാടനം ചെയ്തത്. എന്നാല്‍ ചടങ്ങിനിടെയൊന്നും ശ്രീധരന്‍പിള്ളയെ ആ പരിസരത്തൊന്നും കാണാതിരുന്നത് ചര്‍ച്ചയായിരുന്നു.

അതേസമയം, ചടങ്ങില്‍ മുഖ്യമന്ത്രി സംസാരിക്കുമ്പോള്‍ കൂവിയ സംഭവത്തെ അദ്ദേഹം അപലപിച്ചു. സംഭവത്തെ ജനാധിപത്യ സംവിധാനത്തില്‍ ന്യായീകരിക്കാനാവില്ല. എത്രമാത്രം എതിര്‍പ്പുണ്ടെങ്കിലും കൂവിയത് ന്യായീകരിക്കില്ലെന്നും ശ്രീധരന്‍ പിള്ള പറഞ്ഞു.